|
Frá miðvikudeginum 29. júlí til föstudagsins 31. júlí verður sérstakur upphitunar útvarpsþáttur fyrir Þjóðhátíð 2009 kl. 13-16 á Suðurland FM 96,3. Þátturinn, sem er í umsjá Bessa Hressa og Vignis Egils, nefnist Í brekkunni og verður öllu til tjaldað til að koma fólki í rétta gírinn. Hugmyndin að þættinum fengu þeir félagar fyrir Þjóðhátíð í fyrra, en þeim fannst vanta útvarpsþátt sem þennan til að hita fólk upp. Þeir félagarar þekkja vel til á Þjóðhátíð og hafa verið tíðir gestir undanfarin ár, Bessi sem umboðsmaður og starfsmaður við hljóðkerfi og Vignir sem skemmtikraftur - en aðallega sem almennir Þjóðhátíðargestir. Þátturinn verður, eins og áður segir, á Suðurland FM 96,3, miðvikudag til föstudags fyrir Þjóðhátíð kl. 13-16 og einnig er hægt að hlusta á þáttinn á netinu www.963.is. Þá mögulegt samstarf við Þjóðhátíðarútvarpið, en það verður kynnt síðar. Hægt er að nálgast nánari upplýsingar um þáttinn og koma á framfæri upplýsingum á Facebook-síðu þáttarins. Fréttatilkynning.
|
Senda á Facebook
)
)
